綠色的鏽
一部35年的YAMAHA U1, 低了半度, 嘗試調音, 結果三條低音線斷了,當見到琴線係中間部份斷開, 就清楚見到鋼線生鏽到一個地步, 極度脆弱, 而包圍鋼線的銅線甚至有綠色的鏽~
鋼琴低音為何要包銅?
愈幼愈短的琴弦能發出的音頻愈高, 想像當要發出鋼琴最低音A0(27.5Hz)時, 弦線需要幾長和幾粗先得呢? 有人計過, 1.6mm的鋼線唔包銅或者任何物料的話, 長度需達到5米先可以發出甘低音, 現今那有一部鋼琴會甘長, 屋企要幾大先放得落? 所以要保持某粗度, 長度和柔韌度, 纏繞紫銅是理想物料, 那為甚麼要銅, 不是鋼線或其他金屬, 鋼琴弦選用的紫銅, 耐蝕性較黃銅強, 而且金屬硬度合適, 可緊密纏繞著鋼線上, 而鋼材硬度太高, 不能緊密結合, 音色亦不理想, 容易有染音.
希望可以有助大家了解多些~
