鋼琴雜聲的煩惱
今日為顧客的鋼琴調音, 係KAWAI的K3, 好新淨, 幾個月前調過音, 當見面時, 客人話部琴走音走得好犀利, 因為上次調音的師傅是同行幫忙, 我個時係澳洲, 唔知詳情, 但無理由甘快走得甘勁, 應該有問題出現...
一試彈中間部分, 就聽到有雜音, 可想像一下, 有雜物在鋼琴裡面振動的聲音, 搵左一陣, 加上客人話之前自己移動過部琴, 搵搵下發現有個拖板係部琴後面, 上面插住好多電制...原來彈奏鋼琴時, 琴弦的振動傳至音板, 放在後面的拖板因太貼鋼琴, 甚至接觸到背板, 物件因而產生振動和共鳴, 形成雜音, 最後將拖板拿走, 問題便解決了.
其實之前有其他客戶都有鋼琴雜聲的煩惱, 我們要搵出雜聲的原頭, 有時都幾頭痛, 不過尋找的過程充滿未知數, 如果搵到都幾有成功感, 然後可以大大聲同客人講, 我搵到雜聲原頭啦, 可以比自己威3秒鐘~
